Anëtari i kryesisë së PDK-së, Ramë Buja beson se partia në të cilën është pjesë e saj do t’i rikthejë dy komunat kryesore me të cilat ka udhëhequr në të kaluarën, Prizrenin e Mitrovicën.
Në “Blic Interview me Astrit Gashin”, prodhim i portalit GazetaBlic, Buja tha se ai beson që do të fitojnë në këto komuna, porse u frikësohet balotazheve, pasi sipas tij janë problematike për shkak të marrëveshjeve.
“Besoj se do t’i rikthejmë të dyjat komunat. PDK do të del e para në zgjedhjet lokale në këto dy komuna.
Por, pastaj po hyjnë balotazhet, e që janë shumë problematike, për shkak të marrëveshjeve, siç ndodhi herën e kaluar në Prizren, kur u bënë bashkë për ta mposhtur PDK-në”, shtoi ai.
/GazetaBlic/
