Kandidatja për deputee nga radhët e Nisma Socialdemokrate, Xhevahire Izmaku, ka qenë e ftuara e radhës në Blic Interview me Astrit Gashin.

Ajo ka patur kritika të forta për Qeverinë Kurti e veçanarisht për politikën e jashtme.

Izmaku tha se ndihet jashtëzakonisht keq se si janë dëmtu raportet me Amerikën në këtë periudhë.

“Kjo Qeveri, përveç në aspektin e zhvillimit ekonomik, dmth zero investime…. e kemi parë se sa miliarda euro kanë mbet në suficit të papërdorura, nuk i kanë shti në përdorim. Në asnjë komunë ska qu fare buxhet. Komplet projektet që i kanë pas komunat që i qeverisin opozita kanë punu me mjetet e tyre vetanake, zero projekt. Projekte të mëdha nuk ka qu, dmth zero investime, zero njohje. Unë s’kisha dal më me pas në listë një person që t’a ka degradu përfaqësimin e diplomacisë me 100 skandale, si e vendos në listë. Duhet me pas një performancë, ti me të vendos në krye të listës.  Unë ndjehem keq se si janë dëmtu raportet tona ndërkombëtare me Amerikën  në këtë periudhë. Dmth ti brenda ke bisedu diçka tjetër, me aleatë kur ke dal jashtë s’e ke mbajt fjalën fare. Tani ne kemi punë me konsolidu këtë marrëdhënie edhe këtë profil shtetëror. Duhet fortë të punohet me i bindë se ne jemi bashkëpunëtor të asaj rruge që e kemi nis bashkë.Ne jemi gjithë jetën mirënjohës ndaj SHBA-ve, na kanë ndihmu, në projektin e çlirimit dhe ndërtimit të shtetit”

Kandidatja Izmaku tha se qeveria aktuale, duhet të ‘piqet’ politkisht mirë për të ardhur sërish në pushtet.

“Këto janë disa nga gjërat se këta nuk e meritojnë mandatin, këta duhet të ‘piqen’ politikisht goxha shumë për me ardhë në pushtet” tha Izmaku në Blic Interview  raporton “Gazeta Blic”.

Kujtojmë se Xhevahire Izmaku në këto zgjedhje kandidon me numrin 9.