Lajme

12 vjeçarja nga Prishtina që u sulmua nga qentë endacakë: Kur nisem për në shkollë, frikësohem mos më sulmojnë prapë

01/28/2022 20:03
nga:Y I

12-vjeçarja Mjaltina Kadriu, para rreth dy javësh, është sulmuar nga qentë endacakë në qendër të Prishtinës, derisa ishte duke shkuar për ta marrë vëllanë nga shkolla.

Ajo, në “InfoMagazine”, u shpreh se tani ndihet më mirë dhe është duke u rikuperuar.

“Jam pak më mirë dhe shpresoj se në ditët në vijim do të jem më mirë”, u shpreh Kadriu.

“Jam viktima që jam sulmuar nga qentë endacakë para ca ditësh në afërsi të shtëpisë sime, edhe pse kam ende plagë në duar, dhëmbët, hunda, balli dhe e kam lënduar edhe kokën, shpresoj se shumë shpejt do të shërohem dhe do të bëj më mirë”, shtoi tutje ajo.

Tutje, ajo tha se ndihet e frikësuar nga qentë endacakë kur niset për në shkollë.

“Unë kam pasur ngarkesa, tash bëj trajtime te psikologu, disi jam e frikësuar, se kur dal në rrugë apo kur nisem për në shkollë frikësohem se po më sulmojnë prapë qentë endacakë. Shpresoj se nuk do t’i ndodh askujt një gjë e tillë”.

E pazakontë: U ndalua pasi ishte pa patentë, burri ‘shokon’ oficerët, kam mbi 70 vite që ngas makinën kështu