Njohësi i çështjeve politike Melazim Koci, duke folur për situatën në veri përballë rrezikut për sanksione, deklaroi se kryeministri Albin Kurti duhet t’i pranojë kërkesat e Shteteve të Bashkuara të Amerikës.
Kjo sepse sipas tij, nuk mund të mbahen në vazhdimësi kuvendet komunale në veri të vendit me polici.
“Mendoj se trazirat në veri janë në favorin e Serbisë, ajo përmes trazirave në veri synon ta minoj marrëveshjen do të thotë përmes trazirave dëshiron që jetësimin e marrëveshjes… të kalohet në menaxhim ditor të krizës dhe këtu është gabimi ynë. Unë mendoj që në këtë situatë që jemi kryeministri Kurti duhet t’i pranojë kërkesat e Shteteve të Bashkuara të Amerikës. Pse e them këtë, e them sepse dy kërkesat që kanë të bëjnë me largimin e policisë nga ndërtesat dhe mbajtjen e zgjedhjeve mendoj se janë kërkesa minimaliste. Nuk mund të mbahen kuvendet komunale me polici, mund të mbahen edhe një kohë por nuk mund të mbahen në vazhdimësi. E dyta, zgjedhjet jemi koshient që me tre për qind dalje nuk mund të jenë legjitime ato zgjedhje”, tha Koci në Tëvë1.
Tutje ai theksoi se nëse kryeministri Kurti do t’i pranonte kërkesat e ShBA-ve, presioni do të kalonte 100 për qind te pala serbe.
“Dhe e treta Asociacioni ajo që shkakton më së shumti dhembje këtu. Duhet të jemi racional është një obligim ndërkomëbtarë i Kosovës që ka kaluar testin e Gjykatës Kushtetuese, do të thotë gjithnjë e kam fjalën për Asociacionin pa kompetenca ekzekutive. Unë mendoj se nëse Kurti procedon me kërkesat, me këto tri kërkesa të Shba-ve, unë mendoj që presioni do të kaloj komplet 100 për qind te Beogradi, sepse Kosovës s’ka më çfarë ti kërkohet”, tha ai.
Njohësi i çështjeve politike, foli edhe mundësinë e zgjedhjeve të reja dhe mënyrën se si duhet shkuar te ato.
Ai duke folur për deklarimin e presidentes Osmani se zgjedhjet mund të organizohen nëse vije si kërkesë e qytetarëve, Koci tha se kjo është një mundësi.
Sipas tij, edhe këtë proces Serbia përseri do ta minoj si qëllim për të vonuar zbatimin e marrëveshjes së Brukselit dhe Ohrit, por që siç tha ai. Kosova nuk duhet t’i ndihmojë.
“Serbia qe sa muaj luan lojërat e minimit të marrëveshjes së Brukselit dhe Ohrit, por ne duhet të mos i ndihmojmë, të shkojmë rruges tjetër. Të përmbushim atë se çfarë thuhet në marrëveshje dhe kërkesat e SHBA-së. Serbia të zgjedh vet rrugën”, shtoi ai.
