Ambasadori i Shteteve të Bashkuara të Amerikës, Philip Kosnett, ka thënë se bashkë-zbarkimi i parë ndërkombëtar të Forcës së Sigurisë së Kosovës me Ushtrinë Amerikane në Kuvajt është një moment historik.
Kosnett thotë se kjo tregon demonstrim të gatishmërisë së Kosovës për të përqafuar përgjegjësitë përtej kufijve të saj që kontribuon në sigurinë rajonale dhe globale.
“Vendosja e përbashkët e FSK’së dhe Ushtrisë Amerikane në Kuvajt është një moment historik i vërtetë – jo vetëm për mbrojtjen e vetë Kosovës, por edhe si një demonstrim i gatishmërisë së Kosovës për të përqafuar përgjegjësitë përtej kufijve të saj që kontribuojnë në sigurinë rajonale dhe globale”, ka shkruar Kossnett.
