Trajneri i Holandës, Erik ten Hag, është paguar pothuajse 5 milionë euro si kompensim për shkarkimin e tij nga Bayer Leverkusen, sipas gazetës gjermane Bild.

Ish-trajneri i Manchester United dhe Ajax u shkarkua pas vetëm dy ndeshjesh të sezonit të ri të Bundesligës, pasi skuadra fitoi vetëm një pikë.

Pagesa e kompensimit për Ten Hag, kontrata e të cilit skadonte në vitin 2027, është e përcaktuar në kontratë. Sipas informacionit nga BILD, ai do të marrë pak më pak se pesë milionë euro pas ndërprerjes së shpejtë të kontratës.

Duke përfshirë pagën e tij për dy muajt, kjo shumë arrin në rreth gjashtë milionë euro për 60 ditë shërbimi (1 korrik – 31 gusht). Kjo është rreth 100,000 euro në ditë.

/GazetaBlic Sport/