Misteri me ekzistencën e një personi të dytë, shishja gjysmë bosh e vodkës dhe hetimi makroskopik për një shkak patologjik, përbëjnë tre akset e hetimeve për zbardhjen e shkaqeve të vdekjes së futbollistit grek, George Baldock.
Futbollisti i Panathinaikos është gjetur i vdekur mbrëmjen e së mërkurës në pishinën e shtëpisë së tij në Glyfada.
Edhe pse në fazën e parë analistët e EL.AS kanë një pasqyrë mjaft të mirë të asaj që ndodhi mbrëmë në rezidencën luksoze të George Baldock në Glyfada, ka detaje që duhen shqyrtuar siç raporton newsit.gr.
Konkretisht: Oficerët e policisë vlerësojnë se në shtëpi ka qenë edhe një person i dytë, i cili me siguri është larguar para vdekjes së lojtarit 31-vjeçar. Materiali nga kamerat e sigurisë ende nuk ka mbërritur në duart e Policisë dhe vlerësohet se do të zbardhë këtë pjesë të hetimeve.
Shishja gjysmë e zbrazët e vodkës është vënë nën mikroskop nga autoritetet, ndërsa nuk dihet se sa është konsumuar nga George Baldock mbrëmë. Apartamenti do të hetohet tërësisht në përpjekje për të gjetur prova që do të ndihmojnë në zbardhjen e plotë të rrethanave të vdekjes së futbollistit.
Mjeku nuk ka konstatuar asnjë shenjë apo të nxirë në trupin e futbollistit dhe ka konstatuar mikroskopikisht se vdekja e tij ka ardhur për shkak patologjik.
Megjithatë, do të kryhen teste për të përcaktuar shkakun e saktë të patologjisë. Gjithashtu do të sqarohet se sa orë para se 31-vjeçari të gjendej i vdekur në pishinë, ka ndodhur vdekja e tij. Vlerësimi i parë i mjekut është se lojtari i Panathinaikos ka mbetur i vdekur për të paktën pesë orë në pishinën e shtëpisë së tij, në Glyfada.
/GazetaBlic Sport
