Shqipëria do të mësojë rivalët në grupet e Kampionatit Evropian “Gjermani 2024” sot, më 2 dhjetor.

Në Hamburg prej orës 18:00 do të hidhet shorti për grupet e “Euro 2024”. Kombëtaret janë të ndara na katër vazo dhe Shqipëria ndodhet në vazon e dytë së bashku me Hungarinë, Turqinë, Rumaninë, Danimarkën dhe Austrinë, njofton FSHF.

Gjermania si ekipi pritës i Evropianit ndodhet në vazon e parë dhe ekipet e tjera në atë vazo janë Portugalia, Franca, Spanja, Belgjika dhe Anglia. Në vazon e tretë ndodhen Holanda, Skocia, Kroacia, Sllovenia, Sllovakia dhe Çekia. Ndërsa vazo e katërt ende nuk është e plotësuar, pasi deri më tani janë të konfirmuar vetëm tri ekipe: Italia, Serbia dhe Zvicra.

Trajneri i mirënjohur shqiptar, Shpëtim Duro është prononcuar për ‘GazetaBlic Sport’, atje ku tha se nuk e dëshiron Francën, Portugalinë dhe Spanjën si kundërshtar.

“Nuk dua t’i kemi Spanjën, Portugalinë dhe Francën. Të tjerat kemi mundësinë që t’i përballojmë”, tha Duro.

/GazetaBlic Sport/