Fadil Ismaili ka thënë se marrëveshja në mes të Kosovës dhe Serbisë për energjinë mund të krijojë dy lloje të konsumatorëve, të cilët sipas tij mund të faturohen ndryshe, disa më shumë e disa më pak.
Ish-ministri për energji në Qeverinë e Kosovës Fadil Ismaili, ka thënë se nënshkrimi marrëveshjes për faturimin e energjisë në Mitrovicën Veriore, rrezikon që të krijohen dy lloj konsumatorësh.
Sipas tij, një lloj i konsumatorëve mund të paguajnë më pak e të tjerët më shumë.
“Nëse implementohet, mund të kemi dy lloj të konsumatorëve, dhe mund të vije lehtë që kë i energjisë nuk do të jetë me çmimin e njëjtë që do ta paguajë emiri në m e veriut, a do të ketë më pak apo më shumë do të flasim më vonë për rrezikun e saj”, ka thënë ai.
Sipas tij, kompania serbe “Elektroserver”, nuk do të jetë vetëm furnizuese e energjisë, sepse furnizuesi nuk bën mirëmbajtje dhe nuk vendos për kyqjen e konsumatorëve të rinj.
“Regjistrimi i një furnizuesi i cili nuk është vetëm një furnizues sipas marrëveshjes, furnizuesi nuk bën mirëmbajtje nuk është shfrytëzues i aseteve, këtu shohim se atje ka faturimin bile deri te ajo që vendos edhe për kyqjen e konsumatorëve të rinj, që i kalon kompetencat e një nënkontraktori të KEDS-it”, ka deklaruar ai.
Ish-ministri i energjisë, ka theksuar se marrëveshja e së martës nuk dallon nga ato të 2013-tës dhe 2015-tës, sipas tij e vetmja gjë që i dallon janë datat e caktuara për kryerjen e hapave që do të mundësonin implementimin e marrëveshjes.
