Nënat e pengjeve izraelite të mbajtura nga Hamasi në Gaza, marshuan në qendër të Tel Avivit të premten duke kërkuar që ata të kthehen menjëherë.
Kryeministri izraelit Benjamin Netanyahu është përballur me reagime të kundërta nga familjet e pengjeve për dështimin për t’u përkushtuar ndaj një propozimi për armëpushim të paraqitur nga Shtetet e Bashkuara, i cili do të sillte lirimin e atyre që mbeten në Gaza.
Qeveria izraelite thotë se gjithsej 120 persona mbahen atje, pasi sipas saj ky numër përfshin edhe katër persona që u morën peng në 2014 dhe 2015.
Sylvia Cunio, e cila është nëna e pengjeve David dhe Ariel Cunio, foli në demonstratë, raporton Euronews.com.
“Unë ju bëj thirrje zotëri Benjamin Netanyahu, zotëri kryeministër, marrëveshja është këtu, është e arritshme. Të lutem, zemra e nënave tona nuk durojnë, zemra jonë është në Gaza, na kthe zemrën. Dërgo grupin negociator me një udhëzim, mos u kthe pa marrëveshje, se mjaft, mjaftojnë nëntë muaj. Kthejini në shtëpi, tani, tani, tani, të gjithë tani”, tha ajo.
Protesta pason demonstrata të ngjashme në fillim të kësaj jave, me tre autostrada kryesore të bllokuara të enjten në mëngjes ndërsa protestuesit kërkuan një zgjedhje qeveritare dhe një marrëveshje për lirimin e pengjeve.
Zyra e kryeministrit izraelit Benjamin Netanyahut, tha këtë javë se ai po dërgonte negociatorë për të rifilluar bisedimet e ngecura të armëpushimit, një ditë pasi Hamasi u dha ndërmjetësuesve përgjigjen e tij të fundit ndaj një propozimi të mbështetur nga ShBA për një marrëveshje.
Rigjallërimi i negociatave duket se shënon një përpjekje tjetër nga ndërmjetësit e ShBA-së, Katarit dhe Egjiptit për të kapërcyer hendekun që ka penguar vazhdimisht një marrëveshje gjatë muajve të fundit.
Hamasi dëshiron një marrëveshje që siguron që trupat izraelite të largohen plotësisht nga Gaza dhe lufta të përfundojë, ndërsa Netanyahu thotë se lufta nuk mund të përfundojë përpara se Hamasi të “eliminohet”.
Negociatorët izraelitë pritet të mbërrijnë në Doha, kryeqyteti i Katarit, për bisedimet që të premten, me zyrtarë amerikanë, egjiptianë dhe katar të pranishëm.
