Alejandro Grimaldo pati një sezon debutues ëndrrash te Bayer Leverkusen. Pasi u bashkua me një transferim të lirë nga Benfica verën e kaluar, reprezentuesi spanjoll tashmë e ka ndihmuar skuadrën e tij të fitojë Bundesligën për herë të parë në historinë e klubit.

Grimaldo ka qenë një nga mbrojtësit e majtë më të mirë në botë këtë sezon dhe është e qartë se ai është një lojtar i domosdoshëm për Leverkusen.

Megjithatë, Grimaldo pranoi për “Radio MARCA” se dëshiron të kthehet në Spanjë në vitet e ardhshme: “Të luaj në Spanjë është një synim që kam. Unë do të luaj në La Liga në të ardhmen sepse ky është vendi im”.

Grimaldo është produkt i La Masia dhe nuk ka dyshim se Barcelona do ta mbajë në sy pasi është nga akademia e katalanasve. Po kështu, së fundmi ai ka folur edhe për lidhje të mundshme me Real Madridin dhe nuk ka dyshim që secila skuadër do të jetë me shumë fat për të marrë shërbimet e tij në të ardhmen.

/GazetaBlic Sport