Sipas trajnerit të Newcastle, Eddie Howe, kohët më të vështira të Sandro Tonalit janë përpara. Tonali u fut nga stoli në fitoren 4-0 ndaj Crystal Palace dhe u prit me ngrohtësi nga tifozët e ‘Magpies’.

Mesfushori 23-vjeçar italian mund të përballet me një dënim të gjatë, por Howe është mirënjohës për mbështetjen që Tonali ka marrë nga tifozët.

“Unë mendoj se pjesa më e vështirë është ende për të ardhur, pavarësisht se çfarë ndodh,” tha ai.

“Po merr shumë vëmendje dhe njerëzit po flasin për situatën. Sot ai kishte dashurinë e mbështetësve, por kjo është e vështirë të mbahet për një periudhë të gjatë kohore. Kush e di se çfarë po vjen?”

Thjesht mendoj se është mirë për të të dijë se ai ka mbështetjen jo vetëm të bordit të klubit të futbollit dhe menaxherit, por edhe nga mbështetësit, dhe ata janë njerëzit më të rëndësishëm”, shtoi Howe.