Siç raportohet nga Calcio&Finanza, Atalanta fitoi 65 milionë euro nga Liga e Kampionëve këtë sezon, ndërsa Milani 59 milionë euro.

Të dyja skuadrat kanë humbur një shans për të fituar 11 milionë euro shtesë nga kualifikimi në raundin e 16-të, transmeton GazetaBlic Sport.

Është e njëjta shumë në lojë për Juventusin që fitoi 63 milionë euro në fazën e ligës dhe do të takohet me PSV-në në ndeshjen e dytë të play-off-it sot pas një fitoreje 2-1 në shtëpi javën e kaluar.

Interi ishte i vetmi klub i Serie A që u kualifikua në raundin e 16-të të Ligës së Kampionëve duke përfunduar në tetë më të mirët në fazën e ligës.

Nerazzurrët do të takohen me Feyenoord ose fituesin mes Juventusit dhe PSV-së në raundin tjetër.

/GazetaBlic Sport/