Të mërkurën, Interi viziton Atletico de Madrid për të luajtur ndeshjen e dytë të raundit të 16- të të Ligës së Kampionëve.
Nerazzurrët kanë epërsinë 1-0 që nga ndeshja e parë. Këtë të martë, trajneri italian, Simone Inzaghi, e ka komentuar këtë takim,transmeton GazetaBlic Sport.
I pyetur nëse forma e mirë e Interit ka lindur pas finales së Ligës së Kampionëve të vitit të kaluar në Stamboll kundër Manchester Cityt , Inzaghi e hodhi poshtë këtë ide: “Unë nuk jam dakord me idenë se skuadra lindi pas kësaj. Shikoj rrjedhën e këtyre tre viteve dhe shikoj se çfarë arriti të bënte skuadra në kupa, ku kaluam një fazë shumë të mirë pas kaq vitesh. Ka qenë një rrugëtim tre-vjeçar, në të cilin skuadra ka arritur gjithmonë të kalojë në fazat e eliminimit.
“Për sa i përket nesër [e mërkurës], ne e dimë se do të jetë e komplikuar, kundër një kundërshtari me vlerë absolute që do të luajë në shtëpi. E dimë që kemi një avantazh të lehtë që e sjellim nga Milani, por do të përpiqemi të bëjmë lojën tonë. Nuk e dimë se çfarë do të bëjë Atlético, ata kanë një ekip që ndryshon gjatë lojës. Ata kanë lojtarë me cilësi të lartë, e dimë se do të jetë shumë intensive dhe do të duhet të jemi të mirë në menaxhimin e vështirësive”, shtoi trajneri i Interit.
Duke këmbëngulur në ndryshimin e Atletico de Madrid kur ata luajnë në shtëpi, siç përmendi ai, Inzaghi shpjegoi: “Në La Liga , ata do të ishin në vendin e parë nëse do të luanin vetëm në shtëpi: në 14 ndeshje, ata kanë 13 fitore dhe një barazim. . Mendoj se në 29 ndeshjet e fundit ata kanë humbur vetëm nga Athletic Bilbao. Të gjithë e dimë se çfarë është Atletico, çfarë trajneri i madh është Simeone, i cili është një mik dhe një shok i madh skuadre”, përfundoi ai.
/GazetaBlic Sport/
