Skuadra e Dukagjinit mori një fitore historike sonte në stadiumin “Fadil Vokrri” ndaj FC Europas.
Dukagjini nga Klina fitoi me rezultatin 2-1 me golat e Bujar Shabanit dhe Iljasa Zulfijit, shkruan GazetaBlic Sport.
Bujar Shabani shprehet shumë i lumtur me fitoren dhe normalisht edhe me super golin e tij, që e konsideron si një nga më të mirët në karrierë.
“Jam i lumtur me fitoren e ekipit. Mund të them se padyshim ky ishte një nga golat më të bukur që kam shënuar në karrierë”, tha fillimisht Bujar Shabani për ‘GazetaBlic Sport’.
Shabani e cilëson si mjaft të vështirë ndeshjen e kthimit, por thotë se duhet ta mbajnë rezultatin dhe të kalojnë tutje.
“Realisht do jetë mjaft ndeshje e vështirë, mirëpo besoj që kemi kapacitet që ta administrojmë këtë rezultat dhe të kalojm tutje”, përfundoi Shabani.
Kujtojmë se ndeshja e kthimit luhet pas një jave në Gjilbratar.
/GazetaBlic Sport