Asnjë viktimë, 95 të shëruar dhe 31 raste të reja me koronavirus në 24 orët e fundit në Kosovë.
Këtë e ka konfirmuar para pak çastesh instituti kombëtar i shëndetit publik në vend përmes postimeve tashmë të zakonshme të orës 15:00, përcjell GazetaBlic.
Komuna me më së shumti raste në 24 orët e fundit është Prishtina me 9 sosh, që pasohet nga Gjilani me 5 e Mitrovica me 3.
Më poshtë edhe komunikata e plotë.
ASNJË RAST I VDEKJES, 31 RASTE POZITIVE DHE 95 TË SHËRUAR NGA COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.012 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 31 raste pozitive.
Brenda 24 orëve nuk është raportuar asnjë rast i vdekjes me SARS CoV-2 pozitiv.
Numri total i rasteve pozitive është 107.244 raste nga 591.824 persona të dyshimtë në virusin SARS-CoV-2 dhe 2.239 raste të vdekjes.
Gjatë 24 orëve të fundit, janë shëruar 95 pacientë derisa numri i përgjithshëm i të shëruarve deri më sot është gjithsej 101.374 raste, kurse numri i rasteve aktive është 3.631.
Rastet pozitive janë nga komunat: Prishtinë 9 raste, Gjilan 5 raste, Mitrovicë 3 raste, Podujevë 3 raste, Ferizaj 2 raste, Prizren 2 raste, Vushtrri 2 raste dhe me nga një rast komunat Deçan, Dragash, Fushë-Kosovë, Kaçanik dhe Obiliq.
Mbuloni gojën dhe hundën me maskë!
Mbani higjienën! Respektoni distancën!
LEXO EDHE:
Sërish pa viktima, 95 të shëruar dhe 31 raste të reja me koronavirus në 24 orët e fundit në Kosovë
/GazetaBlic/
