Lajme

Parashikimi i motit për dy ditët e ardhshme

08/24/2021 22:27
nga:Q R

Instituti hidrometeorologjik i Kosovës ka njoftuar se mund të ketë ndryshime të temperaturave në dy ditët e ardhshme, përcjell GazetaBlic.

Dy ditët e ardhshme pritet të jenë më të freska dhe gjithashtu mund të ketë riga shiu.

Më poshtë gjeni njoftimin e plotë nga IHK:

Vendi ynë do të ndikohet nga masat e ajrit relativisht të freskëta. Pas rrezeve të diellit të cilat parashihen kryesisht në pjesën e parë të ditës, pjesa tjetër e ditës mbetet nën ndikimin e vranësirave të dendura dhe të pa qëndrueshme.

Kjo situatë meteorologjike, do të kushtëzojë mot me riga shiu të intensitetit të dobët deri mesatar, ndërsa në disa territore parashihen shkarkime rrufesh dhe mundësi për reshje breshëri. Në fushat termike parashihen rënie sidomos në vlerat e maksimaleve.

Temperaturat minimale parashihen të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 24-26 gradë Celsius. Do të fryjë erë kryesisht nga verilindja me shpejtësi 1-8m/s.

Lushtaku: Sistemi i drejtësisë u ballafaqua me presion të madh nga presidentja dhe kryeministri