Ish-reprezentuesi gjerman Mesut Ozil përdori rrjetin social X për të mbrojtur lojtarët e Manchester United, Harry Maguire dhe André Onana, pas fitores 1-0 të së martës ndaj FC Copenhagen në një ndeshje të Ligës së Kampionëve.
Në postim, Mesut Ozil thekson se “Harry Maguire dhe Andre Onana e meritojnë këtë – që të mbyllin gojën e urrejtësve”, duke iu referuar kritikave që të dy lojtarët janë përballur që nga ardhja e tyre në klubin e Manchester United, përcjell GazetaBlic Sport.
“Harry Maguire dhe Andre Onana e meritojnë këtë – duke heshtur urrejtësit e tyre”, ka shkruar ai.
Në ndeshjen e kësaj të marte, në shtëpi, kundër Kopenhagës, goli i vetëm i të kuqve u shënua pikërisht nga mbrojtësi anglez, Harry Maguire. Në kohën shtesë, Andre Onana priti penalltinë, duke i siguruar Manchester United 3 pikët në ndeshje.
/GazetaBlic Sport