Korporata Energjetike e Kosovës ka njoftuar se është lëshuar në punë njësia B1 dhe ngrohja qëndrore në Prishtinë, raporton Gazeta Blic.

Në njoftimin e tyre për media thuhet se Termokosi sot në mëngjes ka filluar të furnizohet me energji termike nga Kosova B për ngrohje qendrore të qytetit të Prishtinës.

KEK-u ka bërë me dije se aktualisht janë në punë të tri njësitë aktive të Kosovës.

Njoftimi i plotë:

Lëshohet në punë njësia B1 dhe ngrohja qendrore për Prishtinë

Korporata Energjetike e Kosovës njofton opinionin se sot, me datë: 16.12.2014 në ora 06:40, pas sanimit të rrjedhjes në kaldajë njësia B1 e Termocentralit Kosova B është lëshuar në punë.

Si rrjedhojë, sot në mëngjes, në ora 08:10, Termokosi ka filluar të furnizohet me energji termike (avullin) nga Kosova B për ngrohje qendrore të qytetit të Prishtinës.

Në KEK aktualisht janë në punë të tri njësitë aktive të Kosovës A (A3,A4 dhe A5) dhe njësia B1 në Kosovën B me kapacitet të prodhimit prej rreth 650 MW/h. energji elektrike.

Duke falënderuar punëtorët për angazhimin e vazhdueshëm si dhe palët e përfshira për mirëkuptim dhe bashkëpunim, KEK vazhdon me përpjekjet maksimale për prodhim të qëndrueshëm me energji elektrike dhe termike në kushtet aktuale të krizës sezonale dhe globale energjetike.

Sot shpallen rezultatet përfundimtare për zgjedhjet në Dragash