Sven-Goran Eriksson pati një moment emocioni të jashtëzakonshëm, këtë të hënë, në një Gala Suedeze Sportive.
I shoqëruar nga bashkëshortja dhe vajza e tij, Eriksson mori një ovacion bubullues, të cilat e lanë dukshëm të prekur dhe të emocionuar, përcjell GazetaBlic Sport.
Kur ai u ngjit në skenë për të dhënë çmimin “Lideri i Vitit”, publiku nuk u përmbajt në duartrokitjet e tyre për Eriksson, i cili së fundmi njoftoi se ka kancer terminal.
Përveç dashurisë nga publiku, Eriksson mori mesazhe nga figura të mëdha të futbollit si John Terry, Wayne Rooney, Torbjorn Nilsson, ndër të tjera.
“Unë nuk mendoj se i meritoj të gjitha lavdërimet që marr. E pabesueshme, as nuk di çfarë të them”, tha Eriksson në skenën Gala. “Nuk e prisja këtë. E dija që do të nderohesha, por kjo ishte shumë mirë”, tha ai.
/GazetaBlic Sport/