Beteja për titullin e Serie A është një nga më interesantet e viteve të fundit, madje mund të bëhet më dramatike në histori.

Pesë raunde para fundit, Interi dhe Napoli kanë saktësisht të njëjtat bilance- 21 fitore, 8 barazime, 4 humbje dhe 71 pikë.

Nëse situata do të vazhdojë deri në fund të sezonit, dy skuadrat do të përballen në një ndeshje finale  për të përcaktuar kampionin e ri të Italisë. Kjo do të ndodhë nëse pikët barazohen, pasi të dyja ndeshjet mes tyre gjatë sezonit përfunduan në barazim 1:1.

Diferenca e golave ​​nuk do t’i sjellë titullin skuadrës që ka avantazhin. Një ndeshje e mundshme do të luhet në terren neutral, pasi në vitin 2023 Spezia dhe Verona përcaktuan se kush do të mbetej në elitë pasi të dyja skuadrat kishin 31 pikë dhe Verona fitoi 3:1 në Reggio Emilia.

Në rast të rezultatit të barabartë ndërmjet Interit dhe Napolit, do të përdoren penalltitë për të vendosur se cila skuadër do të fitojë Scudetton. Seria A ka vendosur që në këtë ndeshje të mos ketë kohë shtesë.

/GazetaBlic Sport/