Lajme

“Nga Ligji për konfiskimin e pasurisë më së shumti do të pësojnë ‘gërrnaçat”

04/19/2021 23:18
nga:Gazeta Blic

Gazetari Milaim Zeka duke folur për ligjin për Konfiskimin e Pasurisë së Pajustifikueshme ka theksuar se më së shumti do t’i ndëshkojë mërgimtarët.

”Gërrnaçat më së shumti do të pēsojnë nga Ligji për Konfiskimin e Pasurisë së Pajustifikueshme. Ata kanë ndërtuar shtëpia e nuk kanë se si ta dëshmojnë. Nuk e kanë asnjë faturë”, tha Zeka në emisionin “Politiko” në Kanal 10, raporton Gazeta Blic.

Ai madje ka shkuar aq larg, sa që ka paralajmëruar edhe luftë civile nga ky ligj.

Zeka ka theksuar se Qeveria Kurti i ka bërë tri gabime.

”Gabimi i parë ka të bëjë me procedimin e Ligjit për Zgjedhjet, gabimi i dytë ka të bëjë me Ligjin për Konfiskimin e Pasurisë së Pajustifikueshme. Dhe gabimi i tretë ka të bëjë me sulmin ndaj mediave”, tha ai.

Ndërkaq, analisti politik Halil Matoshi ka theksuar se në secilën deklaratë të kësaj Qeverie ka gabime.

Intervistimin e gazetërve të Insajderit, Matoshi e ka krahasuar si në kohën e Millosheviqit.

Milaim Zeka: “Harambashët e Vetëvendosjes e publikuan një marrëveshje top- sekret të Hashim Thaçit me sekretarin e përgjithshëm të NATO-s”

05/09/2021 23:11

Gastronomët sërish paralajmërojnë protesta: Nuk nënshtrohemi pasi u harruam