Ish- deputeti Milaim Zeka ka drejtuar akuza ndaj Lëvizjes Vetëvendosje dhe kryeministrit Albin Kurti, raporton Gazeta Blic.
Ai ka theksuar se vitin e kaluar kryeminsitri Albin Kurti e ka publikuar një marrëveshje që sipas tij ishte “Top- sekret” ndërmjet NATO-s dhe Qeverisë së Kosovës.
”Këta harambashët e Vetëvendosjes e kanë publikuar marrëveshjen sekrete ndërmjet ish- kryeministrit Hashim Thaçi dhe sekretarit të përgjithshëm të NATO-s, Rasmussen, për shkuarjen e FSK-së në veri të Kosovës”, tha ai në emisionin “Politiko” në Kanal 10, raporton Gazeta Blic.
Sipas tij, mediat në Kosovë kanë bërë një punë të jashtëzakonshme me publikimin e skandalit të Qeverisë për mos nënshkrimin e kontratës për pranimin e 500 mijë vaksinave anti-covid.
