Pasi mposhti Valladolidin (6:0) me Real Madridin, trajneri Carlo Ancelotti u përball edhe një herë me një pyetje që e nervozoi.

Ancelotti u pyet nga ish-lojtari i Real Madridit, Guti nëse ai do të qëndrojë në Madrid sezonin e ardhshëm. Pyetje të tilla kanë filluar ta lodhin Ancelottin, pasi janë shtuar në javët e fundit.

“E shikon, unë jam i shqetësuar për të ardhmen time, Guti? Unë e dua Realin po aq sa ty”, u përgjigj Carlo.

Ancelotti gjithashtu shpjegoi pse ai nuk shqetësohet vërtet për punën e tij:

“Ekipi dhe lojtarët më japin siguri. Dashuri më jep klubi. Ne mund të luftojmë për gjithçka deri në fund të këtij viti dhe unë e kam bërë të qartë të ardhmen time në mënyrë që dy muajt e ardhshëm të mos flas kurrë për këtë. Ne kemi një konferencë për gazetarët çdo tre ditë. Të flasësh për të ardhmen çdo tre ditë më lodh.”

Më pas trajneri deklaroi qartë: “Nuk mund ta di sot se çfarë do të bëj në të ardhmen. Këtë po e them për herë të fundit sot: kontrata ime skadon në vitin 2024 dhe plani është të përmbush kontratën”, tha italiani.

/GazetaBlic Sport