Lajme

Lukashenko i dhuron Putinit traktor për ditëlindje

10/07/2022 22:04
nga:Arsim Buxhovi

Presidenti i Rusisë, Vladimir Putin, sot, për ditëlindje ka marrë një dhuratë mjaft interesante nga njëri prej aleatëve të tij.

Presidenti i Bjellorusisë, Alexander Lukashenko, si dhuratë për Putinin, në ditëlindjen e tij të 70-të, zgjodhi një traktor, edhe pse për shumë mund të duket e çuditshme.

Lukashenko konfirmoi lajmin teksa vizitoi qytetin e lindjes së shokut të tij, në Shën Petersburg, shkruan BBC.

Putin po priste liderë të tjerë të shteteve ish-sovjetike, derisa lufta e nxitur nga pushtimi i tij ishte ndezur.

Përballë kundërsulmeve të suksesshme të Ukrainës, ai la të kuptohet për probleme këtë javë, duke e përshkruar situatën në rajonet që ai aneksoi së fundmi si “të shqetësuar”.

Por të premten, aleatët e tij dhanë lëvdata dhe dhurata për njeriun që ka udhëhequr Rusinë, qoftë si president apo kryeministër, për më shumë se dy dekada.