Kandidati i PDK-së për kryetar të Drenasit, Ramiz Lladrovci, ka bërë publike listën e PDK-së për Asamble Komunlae në Drenas, raporton Gazeta Blic.
“Lista e degës së PDK-së në Drenas, siguron fitoren e PDK-së në të gjitha aspektet, andaj, është listë që i plotëson kushtet e përfaqësimit dinjitoz për qytetarët e Drenasit’ ka shkruan Lladrovci.
Postimi i plotë:
Lista e PDK-së për Asamblenë komunale në Drenas, dëshmi e fitores së fuqishme më 17 Tetor!
Lista e PDK-së për Asamblenë e komunës së Drenasit, siguron gjithëpërfshirjen e Partisë Demokratike të Kosovës, dega në Drenas.
Bartësi i listës, Labinot Halilaj, është shembull i drejtuesit të Asamblesë për këtë mandat, garanci e fuqisë së unitetit tonë. Ai i prin listës së 33 kandidatëve tjerë që përfaqësojnë përkushtimin gjithëpërfshirës, kontribuuesit e dëshmuar për qytetarët e komunës së Drenasit.
Lista e degës së PDK-së në Drenas, siguron fitoren e PDK-së në të gjitha aspektet, andaj, është listë që i plotëson kushtet e përfaqësimit dinjitoz për qytetarët e Drenasit.
Është rikonfirmuar dy herë se jemi komuna me menaxhimin më të mirë në Kosovë. Këtu ka kontribut të madh qytetari që bashkëpunoi, me asamblistët e PDK-së por edhe asamblistët opozitarë, pa dallim partie.
Sukseset tona 4 vjeçare, së bashku do t’i vazhdojmë edhe katër vjet, në shërbim të interesit të qytetarëve dhe mirëqenies së tyre. Sepse, ne punojmë, sepse e duam komunën tonë, i duam qytetarët tanë, e duam Kosovën dhe kombin. Kemi dhënë dëshmi deri sot, do të japim dëshmi edhe në të ardhmen!