Shefi i Zyrës Ndërlidhëse në Serbi, Jetish Jashari ka informuar vendet e QUINT-it të akredituara në Serbi në lidhje me arrestimin e Sadik Durakut nga policia serbe në vendkalimin kufitar Kroaci-Serbi në Batrovci
Në një përgjigje për klankosova Ministria e Punëve të Jashtme ka thënë se Jashari gjithashtu i ka dërguar kërkesë zyrtare të Zyrës Ndërlidhëse të Serbisë në Kosovë për të marrë informacionet rreth arsyeve të arrestimit të Durakut
“Ambasadori Jashari i ka dërguar kërkesë zyrtare Zyrës Ndërlidhëse të Serbisë në Kosovë për ta marrë informacionet rreth arsyeve të arrestimit të z. Duraku, si dhe ofrimin e detajeve tjera relevante përkatëse. Ambasadori Jashari po ashtu ka komunikuar me përfaqësitë diplomatike të vendeve të Quint-it të akredituara në Serbi, të cilët i ka njoftuar lidhur me rastin”, ka thënë MPJ.
Ndryshe, Duraku është arrestuar nën pretendimet se i njëjti si ish-pjesëtar i UÇK-së, ka kryer krime luftë kundër popullatës serbe gjatë viteve 1999.
