Italia ka mposhtur Republikën Çeke me rezultat të thellë 4-0, në duelin miqësor para fillimit të Kampionatit Evropian “Euro 2020”.
Llogarinë e golave e hapi sulmuesi, Ciro Immobile i cili realizoi në minutën e 23’të të takimit, shkruan GazetaBlic Sport.
Golin e dytë për italianët e shënoi, Barella në minutën e 42’të të takimit.
Në pjesën e dytë skuadra e drejtuar nga Mancini, vazhdoi me hovin e njëjtë.
Insigne shënoi golin e tretë në minutën e 66’të, ndërsa golin përfundimtar të takimit e shënoi Berardi në minutën e 73’të të takimit.
Kampionati Evropian fillon me 11 qershor, kurse Italia do të përballet me Turqinë, Zvicrën dhe Uellsinë në kuadër të grupit A të ‘Euro 2020’.
/GazetaBlic Sport/