Ish-deputeti i VV’së, Fatmir Humolli shprehet kundër shpërbërjes së Kuvendit të Kosovës.

Humolli në një prononcim për GazetaBlic thekson se: “Nëse Kosova dorëzohet miqve të Serbisë, atëherë shpërbëhet Kuvendi”.

Madje, sipas Humollit nëse ndodhë shpërbërja e Kuvendit, presionet do të jenë akoma më të mëdha për Kosovën.

“Në këto rrethana nuk është e drejtë me u shpërnda, sepse presionet do të jenë shumë më të mëdha për Kosovën në të ardhmen”, tha Humolli për GazetaBlic.

Kujtojmë se, mundësia për zgjedhje të parakohshme u aktualizua më 13 maj kur vetë Kurti tha se është i gatshëm të diskutojë me partitë opozitare për një datë të mundshme.

Me kritika për keqqeverisje, partitë opozitare ka kohë që kërkojnë mbajtjen e zgjedhjeve të reja.

Mandati i Qeverisë aktuale përfundon në fillim të vitit 2025, por në diskutim është shpërndarja e Kuvendit si “opsion më real” për mbajtjen e zgjedhjeve të parakohshme.

Shpërndarja e mundshme e Kuvendit, flet Duda Balje: Ky është qëndrimi i saj