Skuadra e Suharekës vazhdon të jetë shumë aktive në merkato.

Me synime të qarta për ngjitje në Superligë, drejtuesit e kësaj skuadre janë aktivizuar fuqishëm në merkaton e janarit.

Deri më tash kanë siguruar shërbimet e së paku 3 futbollistëve, të cilët ende nuk janë zyrtarizuar.

Klubi ishte në negociata me futbollistin e mirënjohur kosovar, Osman Mëziu, por siç mëson GazetaBlic Sport, marrëveshja mes palëve nuk është arritur, pavarësisht bisedimeve mes palëve.

Burime të gazetës mësojnë se janë dy skuadra nga futbolli kosovar dhe një nga Shqipëria që janë në garë të ‘ngushtë’ për shërbimet e Mëziut.

/GazetaBlic Sport/