Pavarësisht se Lufta e II Botërore është mbyllur në vitin 1945, nuk janë të pakta rastet kur janë gjetur municione të fshehura apo bomba e predha ende të pashpërthyera, ku rasti më i fundit ka ndodhur në Mainz të Gjermanisë, ku në afër të stadiumit “Mewa Arena” është gjetur një bombë amerikane, me peshë me peshë prej 500 kilogramësh.

Bomba, siç theksuam edhe më lart, mendohet të jetë që nga Lufta e II Botërore. Ajo gjendet vetëm pak kilometra nga stadium i skuadrës gjermane, pranë një universiteti aty afër. Gjatë rikonstruksionit të këtij të fundit, puntorët kanë vënë re këtë bombë, e cila është rrezik tepër i madh për qytetarët e zonës.

Mësohet se është bërë një plan evakuimi për të gjithë banorët, me qëllim eliminimin e kësaj bombe të rrezikshme. Ekipi i Mainz, që po lufton për të mos rënë nga Bundësliga, ka një ndeshje tepër të rëndësishme kundër Koln këtë fundjavë, por mësohet se kjo bombë nuk do të përbëjë rrezik për mbarvajtjen e takimit.