Pep Guardiola beson se goli i fitores i Bernardo Silvës kundër Chelseat tregon sesi futbolli ju lejon të ktheheni të fortë pas kohëve të vështira.
Pasi humbi një penallti kundër Real Madridit, ai u ndje i dëshpëruar. Guardiola tha se Bernardo kishte disa ditë të vështira, por goli i tij kundër Chelsea-t dëshmoi se ai është lojtar i madh.
Pep tha: “Jam shumë i lumtur për Bernardon. Jeta dhe futbolli të japin gjithmonë një shans të dytë – dhe kështu ndodhi.”
“Kur e kam Bernardon në fushë, ndihem më i sigurt dhe më rehat për shumë e shumë arsye. Nuk ishin ditë të lehta për të, por ai ia doli – ai na dha golin për të na çuar në finale”.
Këtë sezon Bernardo Silva shënoi 11 gola dhe bëri 5 asistime në 42 paraqitje për klubin e tij.
/GazetaBlic Sport