I Dërguari i BE-së për dialogun Kosovë-Serbi, Miroslav Lajçak dhe emisari i ShBA-së për Ballkanin Perëndimor, Gabriel Escobar kanë darkuar së bashku pas takimeve që kanë pasur me kryeministrin Albin Kurti dhe presidentin serb, Aleksandër Vuçiq.
Lajçak ka shpërndarë fotografinë nga takimi i tyre, derisa sllovaku ka shprehur falënderim për mbështetjen e Amerikës ndaj procesit të dialogut të cilin e ndërmjetëson BE-ja.
“Tejet i nderuar për ta mirëpritur mikun tim të çmuar dhe kolegun Gabriel Escobar sot në Bruksel. Jam shumë mirënjohës për mbështetjen e fortë dhe të pamasë të ShBA-së dhe bashkëpunimin e jashtëzakonshëm për të bërë progres në dialogun e lehtësuar nga BE për normalizim të marrëdhënieve në mes të Kosovës dhe Serbisë”, ka shkruar Lajçak.
Pleased to welcome my good friend and colleague DAS Gabriel Escobar in Brussels today. I’m very grateful for strong and unequivocal ?? support and our exceptional cooperation on making progress in the ??-facilitated Dialogue on normalisation of relations between Kosovo and Serbia pic.twitter.com/xzmG8KqJIA
— Miroslav Lajčák (@MiroslavLajcak) August 17, 2022