Ministrja e Punëve të Jashtme dhe Diasporës së Kosovës, Donika Gërvalla ka kërkuar nga Presidentja Osmani shkarkimin e të gjithë ambassadorëve të emëruar politikisht.
Këtë e kanë konfirmuar për GazetaBlic edhe nga MPJD-ja. Tutje, nga ky dikaster deklaruan se ministrja Gërvalla do të deklarohet më hollësisht rreth kësaj çështjeje.
“Në përputhje me Ligjin, Ministria e Punëve të Jashtme dhe Diasporës (MPJD), ka përcjellë gjatë kësaj jave tek Presidentja e Republikës së Kosovës, propozimin për lirim nga detyra dhe tërheqje nga misioni diplomatik për të gjithë ambasadorët e Republikës së Kosovës, të emëruar politikisht, duke i falënderuar për punën dhe angazhimin e deritanishëm.Lidhur me këtë, ministrja Gërvalla do të deklarohet më hollësisht gjatë ditës së nesërme”, thuhet në një përgjigje të MPJD-së për GazetaBlic.
Ndryshe, GazetaBlic gjatë ditës ka mësuar se ministrja ka shkarkuar 13 ambasadorë kosovarë në vende të ndryshme të botës.
LEXO EDHE:
/GazetaBlic/
