Trajneri i Romës, Daniele de Rossi, hodhi poshtë sugjerimet se ai i kishte dhënë Roberto de Zerbit dhe Brighton një “mësim futbolli” pas fitores 4-0 të Giallorossëve ndaj Brighton në ndeshjen e parë të të dy skuadrave në Europa League.

“Nuk bëra shumë, gjithçka ra në vend menjëherë dhe jam shumë i lumtur”, tha trajneri për Sky Sport Italia.

“Lojtarët që gjeta këtu janë shumë të talentuar, e kam thënë që në ditën e parë, ne fitojmë ndeshjet që Roma duhet të fitojë. Ne jemi një ekip i madh dhe prandaj fitojmë, nuk ka asgjë të veçantë”, shtoi ai.

Megjithatë, kur u tha se i kishte dhënë mikut të tij Roberto de Zerbi një ‘mësim futbolli’, De Rossi ishte i rezervuar: “Shiko, nuk dua të nënvlerësoj sa i kënaqur jam me performancën dhe pashë shumë gjëra që unë i pëlqej, por gjatë pjesës së dytë mund ta kishim mbajtur topin më mirë”.

“Unë e dua De Zerbin, kështu që për t’u përgatitur për një ndeshje kundër tij duhet të punosh dy herë më shumë. E pranoj se i kam çmendur lojtarët,” pranoi De Rossi.

/GazetaBlic Sport