Lautaro Martinez, Benjamin Pavard dhe Federico Dimarco kthehen në formacionin fillestar të Interit kundër Atletico Madrid në ndeshjen e dytë të fazës së eliminimit të Ligës së Kampionëve.
Atletico Madrid dhe Inter ballafaqohen në Civitas Metropolitano nga ora 21:00, përcjell GazetaBlic Sport.
Takimi i parë kishte përfunduar me shifrat 1 me 0 për skuadrën italiane, rezultat ky që lë gjithçka të hapur për ndeshjen e sotme.
Atletico Madrid ka përmbysur dy herë një humbje në ndeshjen e parë në fazën eliminuese të Champions League. Ata kaluan Barcelonën në çerekfinalet 2015/16 pasi u mposhten 2-1 në Camp Nou falë një fitoreje 2-0 në shtëpi, dhe para kësaj e eliminuan Bayer Leverkusen një vit më parë pavarësisht humbjes 1-0 në ndeshjen e parë.
/GazetaBlic Sport/