Një javë pasi mposhti Barcelonënnë El Clasico, Real Madridi gaboi në ndeshjen e xhiros së 12-të të La Ligas në Santiago Bernabeu, duke luajtur vetëm 0:0 ndaj Rayo Vallecanos.
Kapiteni i kombëtares kroate dhe Realit, Luka Modric luajti deri në minutën e 69-të kur në vend të tij u fut Rodrygo. Marca në komentin e saj pas ndeshjes theksoi se Ancelotti gaboi duke mos e lënë Modricin në lojë dhe me këtë ishte dakord edhe italiani.
“Modric ishte shumë i mirë. Ai bëri një lojë fantastike. Ai nuk e meritonte të largohej. Ndoshta mund të kisha ndryshuar Camavinga ose Valverde. Doja të kaloja në 4-3-3 me Rodrygo,” tha trajneri i Realit.
“Ne provuam gjithçka, bëmë më të mirën, por ky është futbolli dhe gjëra të tilla ndodhin. Nuk ka dramë. Jemi në një pozicion të mirë si në La Liga ashtu edhe në Ligën e Kampionëve. Ne do të vazhdojmë kështu.”
Gjatë ndeshjes, Reali kishte 63 për qind posedim të topit dhe 22 goditje në portën e kundërshtarit, pesë prej të cilave në kuadrat.
/GazetaBlic Sport
