Një aksident i rëndë ka ndodhur të dielën në Suharekë, ku dy persona kanë vdekur.

Në aksident janë të përfshirë një motoçikletë dhe një veturë.

Këtë e ka konfirmuar Drejtori i Policisë në Prizren, Faton Aliu, i cili bëri të ditur se dy të vdekurit kanë qenë në motoçikletë, ndërkaq vozitësi i veturës është duke marrë ndihmë mjekësore në Spitalin e Prizrenit.

“Një aksident mes një veture dhe një motori ka ndodhur. Janë dy viktima që kanë qenë në motor. Vozitësi i veturës po merr ndihmë shëndetësore në Spitalin e Prizrenit”, thuhet në konfirmim.

Suharekaonline ka publikuar pamje nga vendngjarja.