I pari i Prishtinës, Shpend Ahmeti i ka reaguar ministrit të brendshëm, Xhelal Sveçlës, lidhur me kritikat e këtij të fundit ndaj prokurorëve e gjyqtarëve, në veçanti për rastin e Krivaqës.

Sipas Ahmetit, Sveçla nuk ka nevojë që prokurorëve t’ua publikojë listën e veprave të Krivaqës, por t’i parandalojë ato që ende s’kanë ndodhur, përcjell GazetaBlic.

Më poshtë edhe postimi i plotë.

Ministri Sveçla duke i raguar prokurorisë dhe gjykatës në Ferizaj është çuditur se si ata nuk e dijnë që Dardan Krivaqa i ka 136 raste në Polici dhe ju ka ofruar listën e tyre.
Një pjesë edhe pajtohem me Xhelalin në atë çka ka thënë, se me qenë të kënaqur qytetarët me gjykata nuk do të ju votonin.
Xhelal – s’ke nevojë me dërgu listën e Krivaçës. Ai është në burg dhe shpejtësia e kapjes nga Policia është për tu përshëndetur.
Identifikoni kush tjetër në Kosovë ka 136 vepra dhe sorollatet i lirë. Identifikoni burrat që kanë raste të shumta të kanosjes dhe rrahjes së grave të tyre . Ndalni ato që ende skanë ndodhur, mos u arsyetoni për ato që tashmë kanë ndodhur.
Familjes së Marigonës fare pak ju intereson tashmë numri i veprave të Krivaqes. Por të gjithë neve na intereson që ajo që i ka ndodh Marigonës mos ti ndodh askujt në Kosovë.

/GazetaBlic/