Deputet e Kuvendit të Kosovës e kanë ratifikuar edhe marrëveshjen e tretë ndërkombëtare në seancën e sotme.

Pas prezantimit të marrëveshjes nga ministri Hekuran Murati, ajo ka marrë mbështetjen e deputetëve.

Me 98 për, asnjë kundër dhe 4 abstenime Kuvendi ka miratuar Projektligjit nr. 10/L-004 për ratifikimin e Marrëveshjes së Kredisë për “Instrumentin për Reforma dhe Rritje për Ballkanin Perëndimor” ndërmjet Bashkimit Evropian, që përfaqësohet nga Komisioni Evropian si Huadhënës, dhe Republikës së Kosovës si Huamarrës, dhe Bankës Qendrore të Kosovës si Agjent i Huamarrësit.