Katër alpinistë kanë humbur jetën dje në Itali nga orteqet në rajonet e Lombardisë dhe Trentinos, ndërsa një alpinist ka vdekur në rajonin e Val d’Aostës pasi ishte bllokuar në një akullnajë.

Sipas Italian Alpine Rescue në Trentino, një ortek i parë, në kufirin midis Val di Fiemme dhe San Martino, rrëmbeu katër alpinistë skiatorë të moshës midis 30 dhe 40 vjeç, duke lënduar rëndë njërin prej tyre, i cili ka vdekur më vonë në spital, transmeton albinfo.ch.

Një ortek tjetër në Marmolada, ka përfshirë katër skiatorë italianë rreth moshës 40 vjeçare teksa ishte një nga alpinistët, ai i cili e shkaktoi ortekun dhe u varros nën të.

Në Lombardi, një ortek ka ndodhur në Albosaggia, duke rrëmbyer tre alpinistë skiatorë dhe duke lënë të vdekur dy prej tyre, të moshës 35 dhe 46 vjeç.

Ndërkaq, në rajonin veriperëndimor të Italisë, Val d’Aosta, një alpinist akulli, i cili, raportohet se ishte anglez dhe rreth 60 vjeç, ka vdekur pasi është bllokuar në ujëvarat Lillaz (Cogne) dhe ndërsa zbriste në errësirë, raportohet të ketë rënë në një çarje në gjysmë të rrugës.