Miliarderi Elon Musk përdori rrjetet sociale pasi emri i tij u shfaq në një grup të ri dokumentesh të publikuara në lidhje me shkelësin e dënuar seksual Jeffrey Epstein, të cilat përfshijnë email-e nga viti 2013.

Sipas emaileve të publikuara, Musk shkëmbeu mesazhe me Epstein në dhjetor 2013 në lidhje me një vizitë të mundshme në ishullin e tij në Karaibe, ndërsa një korrespondencë e veçantë tregon se Epstein u përpoq të organizonte një drekë me Musk në shkurt të të njëjtit vit.

Musk deklaroi në rrjetin X se kishte komunikim shumë të kufizuar me Epstein dhe refuzoi ftesa të shumta për të vizituar ishullin e tij ose për të udhëtuar me aeroplanin e tij.

Ai theksoi se është i vetëdijshëm se një pjesë e korrespondencës mund të keqinterpretohet, por se nuk shqetësohet për këtë.

Ai shtoi se mbështeti fuqimisht publikimin e dokumenteve të Epstein dhe theksoi rëndësinë e ndjekjes penale të atyre që kanë kryer krime të rënda, veçanërisht në rastet e shfrytëzimit seksual të të miturve.

“Jam i vetëdijshëm se disa nga korrespondencat e mia me Epstein mund të keqinterpretohen. Askush nuk ka mbështetur më fort se unë publikimin e dokumenteve të Epstein dhe jam i lumtur që kjo më në fund ka ndodhur”, tha Musk në X.