Chelsea ka lëshuar një deklaratë ku zbulon se dy tifozët e sulmuar në Napoli përpara ndeshjes së Ligës së Kampionëve të mërkurën kundër Napolit po trajtohen në spital për lëndime jo kërcënuese për jetën.

Blutë përballen me kampionët e Italisë në stadiumin Diego Armando Maradona në orën 21:00 në ndeshjen e tyre të fundit të fazës së ligës së Championsit.

Pasi dolën raportime për sulmin ndaj dy tifozëve të Chelseat të martën në mbrëmje, Chelsea u detyrua të lëshonte një fjalim publik.

“Klubi është në dijeni të një incidenti që ndodhi të martën në mbrëmje në Napoli”, thuhej në një deklaratë të shkurtër. Dy tifozë po trajtohen në spital, pasi kanë pësuar lëndime jo kërcënuese për jetën.

“Klubi dëshiron t’u kujtojë të gjithë mbështetësve të tregojnë kujdes të madh ndërsa janë në qytet dhe të marrin parasysh këshillat e ndara përpara kësaj ndeshjeje.”

Napoli ende nuk e ka komentuar  incidentin.

/GazetaBlic Sport