Të premten në rrugën Goden – Dobrunë të Gjakovës policët kanë vënë re se mungon një shenjë informimi e trafikut lokal ndërkufitar.

Sipas Policisë, ekzistojnë dyshimet se kjo shenjë është vjedhur nga persona të panjohur.

“Njësitet policore kufitare gjatë patrullimit kanë vërejtur se në zonën kufitare mungon shenja rrugore e informimit për trafikun lokal ndërkufitar, për banorët e zonës, e cila dyshohet se është vjedhur nga persona të panjohur”, thuhet në Raportin e Policisë së Kosovës.

“Lidhur me rastin është informuar edhe prokurori, ndërsa njësitet policore janë duke hetuar rastin”.