Gjatë vitit 2025, Spitali i përgjithshëm të Pejës ka pasur gjithsej 13,085 pacientë të shtrirë, duke reflektuar rolin e tij kyç si institucion referues shëndetësor për rajonin perëndimor të Kosovës.

Sipas të dhënave zyrtare, 94 për qind e pacientëve të shtrirë kanë qenë nga komunat e rajonit të Pejës, çka dëshmon se shërbimet spitalore ofrohen kryesisht për popullatën lokale dhe komunat përreth.

Në mënyrë konkrete, struktura e pacientëve sipas komunave është si vijon:

Nga Peja janë shtrirë 7,424 pacientë; Nga Deçani 1,484 pacientë; Nga Klina 1,591 pacientë; Nga Istogu 1,853 pacientë. Këto shifra konfirmojnë se Spitali i përgjithshëm në Pejë mbetet shtylla kryesore e kujdesit shëndetësor për qytetarët e rajonit, duke përballuar një volum të madh të pacientëve dhe duke ofruar shërbime spitalore për shumicën dërrmuese të banorëve të komunave përreth.