Trajneri i Paris Saint-Germain, Luis Enrique, e kritikoi ekipin e tij për pësimin e golave ndaj Bayern Munich në humbjen 2-1 në Parc des Princes.
Ishte humbja e parë e PSG-së në turne në katër ndeshje dhe vetëm humbja e dytë e sezonit. Bayern regjistroi fitoren e 16-të radhazi në të gjitha garat.
Goli i parë i bavarezëve erdhi në minutën e 4-të, ndërsa i dyti u shënua në të 32-tën.
“Kur ishte 11 kundër 11, nuk kishte dyshim. Sigurisht, ata ishin më të mirë se ne në pjesën e parë. Ata krijuan më shumë raste dhe ne u dhamë disa dhurata të shkëlqyera në pjesën e parë. Kur u jep këto dhurata këtyre lojtarëve, ata do të shënojnë. Nuk po kërkoj justifikime, është përgjegjësia jonë të luajmë më mirë”, tha Luis Enrique.
Ai nuk mund ta shpjegonte pse skuadra e tij nuk luajti aq mirë sa dëshironte, veçanërisht në pjesën e parë.
“Nuk kam asnjë shpjegim, është thjesht kështu. Ata shënuan dy gola, por mund të kishin shënuar katër. Jam i zhgënjyer sepse prisja të shihja një nivel më të mirë”, komentoi trajneri parisien.
/GazetaBlic Sport
