Prodhuesi më i madh i birrës në botë, Anheuser-Busch InBev (AB InBev), është në bisedime me UC3, sipërmarrjen e përbashkët midis UEFA-s dhe klubeve kryesore evropiane, për të zëvendësuar Heineken si sponsor i birrës për turnetë evropiane, pohon The Athletic.

Heineken, prodhuesi i dytë më i madh i birrës në botë, ka qenë sinonim i Ligës së Kampionëve që nga viti 1994 dhe ende ka dy vjet të mbetura në marrëveshjen e saj të fundit trevjeçare, me vlerë 120 milionë euro në vit.

Por kompania belge AB InBev ka ofruar 200 milionë euro në vit për të siguruar një kontratë gjashtëvjeçare që do të fillojë në vitin 2027.

Kjo do të përfaqësonte një rritje vjetore prej 66% krahasuar me kontratën aktuale të Heineken.

AB InBev, e cila njihet më së miri për prodhimin e Budweiser, Corona dhe Stella, ka qenë partneri zyrtar i birrës së FIFA-s që nga viti 1986.

/GazetaBlic Sport