Një tifoz i RB Leipzig vdiq gjatë ndeshjes së Kupës së Gjermanisë midis “demave” dhe Energie Cottbus të divizionit të tretë, njoftoi klubi i Bundesligës.

“Tragjedi! Një nga tifozët tanë pësoi një problem urgjent mjekësor sapo hyri në stadium! Sapo morëm lajmin e trishtueshëm se mbështetësi ynë ka ndërruar jetë në spital. Për këtë arsye, e kemi reduktuar transmetimin e drejtpërdrejtë të ndeshjes nga Cottbus sa më shumë që të jetë e mundur. Kërkojmë mirëkuptimin tuaj, por në raste si këto, futbolli kalon në plan të dytë. Klubi dëshiron t’i shprehë ngushëllimet e tij më të thella familjes”, shkroi RB Leipzig.

Ende nuk ka detaje rreth moshës së tifozit apo shkakut të vdekjes së tij, me lajmin për ndarjen e tij nga jeta që erdhi në pushimin e ndeshjes pasi ai mori ndihmë mjekësore emergjente, por kjo nuk i shpëtoi jetën.

Pasi u bë e qartë se një tifoz kishte vdekur, tifozët heshtën në shenjë respekti për viktimën dhe familjen e tij. Tifozët e të dyja ekipeve duartrokitën në nder të tifozit, me heshtje që mbretëroi deri në mesin e pjesës së dytë. Tifozët e Cottbus më pas u përpoqën të fillonin këngë dhe brohoritje, ndërsa tifozët e Leipzig u përgjigjën me fishkëllima. Ndeshja përfundoi 4-1 në favor të “Demave”.

/GazetaBlic Sport/