Humbja e katërt radhazi e Liverpoolit, 1-2 ndaj Manchester United, ka shkaktuar shqetësim te Reds dhe askush nuk është imun ndaj kritikave. As Mo Salah, me Jamie Carragher që pretendon se egjiptiani nuk duhet të konsiderohet më si i sigurt në formacionin titullar për çdo ndeshje.

“Mendoj se jemi në atë fazë tani ku Mo Salah nuk duhet të jetë titullar i garantuar çdo javë”, tha ishi i Liverpoolit për The Gary Neville Podcast.

“Mendoj se kjo është një enigmë e vërtetë për trajnerin në të ardhmen. Nuk mendoj se Salah duhet të jetë si Van Dijk, ku ai është ’emri i parë në formacionin’. Sidomos në ndeshjet jashtë fushe, ai mund të vijë nga stoli. Liverpooli duhet të ndërtojë lojën rreth Isakut dhe Virgilit – jo Salahut. Ata kanë shpenzuar kaq shumë para për ta dhe duhet të investojnë tek ata në mënyrë konkurruese dhe jo tek Salahu, i cili nuk është më ai që ishte”, tha ai.

/GazetaBlic Sport