Ka votuar kandidati i AAK-së për kryetar të Gjakovës, Ardian Gjini.

Për ta shfrytëzuar të drejtën e tij të votës, Gjini ka qenë i shoqëruar nga familja e tij.

Para mediave, pasi hodhi votën, Gjini tha se sot është ditë e mirë për të votuar dhe bëri thirrje që qytetarët ta shfrytëzojnë të drejtën e tyre për të votuar.

“Faleminderit që keni ardhur në Gjakovë. Ditë e mirë për të votuar. I ftoj të gjithë qytetarët e Gjakovës që të votojnë”, tha Gjini.

Ai shtoi se shpreson që procesi i votimit të shkojë në rregull.

Ndryshe, kandidati i AAK-së për kryetar të Gjakovës, Ardian Gjini synon edhe një mandat në krye të këtij qyteti.